Lærling

Dersom du tek sikte på fag- eller sveineprøve i eit lærefag, kan du teikne lærekontrakt med ei lærebedrift. Då er du lærling.

Lærling er ein yrkesutøvar som inngår lovfesta arbeidsavtalar og lærekontrakt i eit lærefag med ein godkjent lærebedrift. Vanligvis går opplæringa over fire år, der dei to første åra er skulegang i vidaregåande skule, men det finns variantar av ordninga.I fag der det ikkje finst opplæring i skule, kan all opplæring skje etter fastlagt plan i ei bedrift. Opplæringa skal førebu lærlingen på fag-/sveineprøve i faget.

Søk lærlingplass

Vurdering

For å vurdere lærlingar undervegs krev Sogn Opplæringskontor at lærlingen dokumenterar det han/ho har lært.

Me bruker webbasert opplæringsbok som lærling og bedrift får tilgang til.

Lærlingen kan da legge inn tekst og bilde samt vurdere seg sjølv i læreplanmåla satt av Utdanningsdirektoratet.

Fag- eller sveineprøven

Fag- eller sveineprøven blir avlagt når læretida er fullført, og seinest to månader etter at den er avslutta. Prøven tek utgangspunkt i kompetansemåla i læreplanen og består av fire delar:

Planlegging av arbeidet og grunngjeving for løysingane du har valt
Gjennomføring av eit fagleg arbeid
Vurdering av eige prøvearbeid
Dokumentasjon av eige prøvearbeid

Lengda på prøven framgår av læreplanen for faget.

Viss du ikkje består fag- eller sveineprøven, kan du gå opp til ny prøve. Lærebedrifta skal medverke til dette, men er ikkje pliktig til å forlengje lærekontrakten fram til andregongsprøve. Dersom både du og bedrifta er samde om det, kan læretida bli forlengja ved frivillig avtale.

Her er nokre tips frå oss i Sogn Opplæringskontor.

Praksiskandidat

Praksiskandidatar er vaksne som har minst 25 prosent lengre praksistid i eit lærefag enn den fastsette læretida i faget.

Praksisen må:

vere allsidig og dokumentert
etter ei samla vurdering dekkje dei mest vesentlege delane av innhaldet i læreplanen for Vg3 / opplæring i bedrift i lærefaget
vere godkjend av fylkeskommunen før fag- eller sveineprøva kan avleggjast

Realkompetansevurdering kan ikkje erstatte praksiskravet.

Som praksiskandidat er du friteken for kravet om bestått i fellesfag for å kunne framstille deg til fag- eller sveineprøve. Men du må bestå ein eigen eksamen for praksiskandidatar før du kan melde deg opp til fag- eller sveineprøve:

I dei fleste lærefag skal denne eksamenen prøve i kva grad du har nådd kompetansemåla som er fastsette i læreplanen for opplæring i bedrift i lærefaget.

I særskilde lærefag innanfor utdanningsprogram for elektrofag og teknikk og industriell produksjon skal denne eksamenen prøve i kva grad du har nådd kompetansemåla som er fastsette i programfaga for Vg1, Vg2 og eventuelt Vg3 i skole som lærefaget byggjer på, og som er relevante for lærefaget.

Fylka arrangerer vanlegvis eiga, eksamensførebuande opplæring for praksiskandidatar. Kvar og korleis du skal melde deg opp til eksamen for praksiskandidatar (privatisteksamen), varierer mellom fylka.

Oppmeldingsfristane er ca. 15 september og 15. januar. Rutinane for oppmelding til privatisteksamen blir annonserte i god tid før oppmeldingsfristane.

I nokre fylke skjer oppmeldinga via www.privatistweb.no. Du må sjølv betale prøveavgift til fylkeskommunen for å avleggje eksamen.

Du må også betale prøveavgift for å avleggje fag- eller sveineprøve, og du er sjølv ansvarleg for å skaffe prøvestad og nødvendig utstyr til prøva. For å melde deg opp til fag- eller sveineprøve må du kontakte fagopplæringa i fylket ditt.

Ver merksam på at dersom du ikkje består fag- eller sveineprøva, må du vente seks månader før du kan gå opp til ny prøve.

Lærlingvideo

Her er videoar me har filma av forskjellige lærlingar i forskjellige yrker der dei fortel om korleis dei sjølve opplever det å væra lærling.

Featured

Industrimekanikarfaget

Steinar Standnes var lærling hjå Imepc AS

Grafisk produksjonsteknikk

Remi er lærling i grafisk produksjonsteknikk hjå Printfarm.

Remi er lærling i grafisk produksjonsteknikk hjå Printfarm. Som fagoperatør i grafisk produksjonsteknikk produsera ein ulike grafiske produkt, produksjon av visuell kommunikasjon i alle typar trykte media. Kreativitet, nøyaktigheit og gode samarbeidsevne er vesentleg for å lykkast i faget.

Arbeidskvardagen går ut på blant anna å planleggje produksjon, velje material, opplag og tidbruk. Som fagoperatør i grafisk produksjonsteknikk må ein kunne vurdere både kvalitet og kostnad når ein vel produksjonsmetode, ein må kunne betjene datastyrte maskiner og beherske avanserte digitale verktøy. Fokus på miljøhandtering og HMT.

Jobb innan grafisk produksjonsteknikk finn ein i store serieproduksjonar som f.eks aviser, bøker, emballasje, hefter, digitale trykkeri som produsera små seriar i store og små format.

Fullført og bestått opplæring fører fram til fagbrev. Yrkestittel er fagoperatør i produksjonsteknikk.

Møbelsnekkarfaget

Lars og Silje er lærlingar i møbelsnekkarfaget hjå Timbla AS.

Lars og Silje er lærlingar i møbelsnekkarfaget hjå Timbla AS. Som møbelsnekkar jobbar ein med å produsere, vedlikehalde og reparere møblar, trevarer og innreiing av tre og trebaserte material.

Ein møbelsnekkar skal bidra til å dekkje etterspurnad etter spesiallaga innreiing og møblar samt imøtekomme behov for reparasjon og restaurering. Ein får innsikt i treets spesielle eigenskapar, utvikling av nye teknikkar og bruk av nye material og maskiner. Ein lærer seg design- og produktutvikling, samt samarbeid med kundar og formgivarar.

Møbelsnekkarfaget er forankra i gamle handverkstradisjonar.

Fullført og bestått opplæring fører fram til sveinebrev. Yrkestittel er møbelsnekkar.

Salsfaget / kontor og administrasjonsfaget

Tøger var lærling i Luster Sparebank.

Tøger var lærling i Luster Sparebank. Han tek 2 fagbrev over 3 år. Det første fagbrevet han tok var i Kontor og administrasjonsfaget, no er han snart ferdig med sitt andre fagbrev i Salsfaget. Salsfaget og Kontor- og administrasjonsfaget har mange likheitstrekk, noko Tøger får erfart i sine arbeidsoppgaver.

Kontor- og administrasjonsfaget skal leggje grunnlag for yrkesutøving innan service, kundebehandling og kontoradministrative oppgåver i offentleg og private verksemder. Opplæringa skal bidra til å utvikle lærlingens kunnskap om verksomheitas organisering og strategi for kommunikasjonsløysingar internt og eksternt. Fremje kompetanse i bruk av økonomisystem, bruk av teknologiske verktøy i kontorarbeid og informasjonsbehandling.

I salsfaget får du lære om kundebehandling, sal og marknadsføring av produkt, og bli i stand til å handtere endringar og sikra lønsam drift av verksemda. Salsfaget passar godt for deg som er serviceinnstilt, likar å arbeide i eit miljø med høgt tempo, er blid og utadvendt.

Fullført og bestått opplæring fører fram til fagbrev. Yrkestittel er salgsmedarbeider / kontor- og administrasjonsmedarbeider

Platearbeidarfaget

Veronica var lærling i platearbeidarfaget på Impec.

Veronica var lærling i platearbeidarfaget på Impec. Dagane er varierte, alt frå planlegging, lesing av teikningar, til utføring av arbeidsoppgåver.

Jobben er kjekk, ho får utfordringar på nye arbeidsoppgåver kvar dag og lærer særs mykje. Som platearbeidar må ein jobbe effektivt og plan messig, både sjølvstendig og i samarbeid med andre. Ein platearbeidar utformar plater, røyr og profilar, og set dei saman til større konstruksjonar. Ein handtera material, hjelpestoff og verktøy for materialbearbeiding. Ein arbeidar etter spesifiserte metodar og prosessar, her platearbeidaren òg har ansvar for vedlikehald og feilsøking på verktøy og sveiseutstyr. HMS og sikkerheit er eit stort fokusområder.

Fullført og bestått opplæring fører fram til sveinebrev med yrkestittel platearbeidar.

Profileringsdesignfaget

Benedikthe er lærling i profileringsdesignfaget hjå Digital etikett.

Benedikthe er lærling i profileringsdesignfaget hjå Digital etikett. I profileringsdesignfaget lærer ein å lage kommunikasjonsmateriell tilpassa målgrupper, som f.eks etikettar, reklameskilt, plakatar og emballasje til ulike produkt. Faget skal bidra til å dekkje samfunnets behov for visuell kommunikasjon i det offentlege rom. Ein tileignar seg teknologisk og digital kompetanse, visuell kommunikasjon, kreativitet og nytenking.

Fullført og bestått opplæring fører fram til sveinebrev med yrkestittel profileringsdesignar.

Logistikkfaget

Ronja var lærling i Logistikkfaget på Lerum.

Ronja var lærling i Logistikkfaget på Lerum. Som lærling i logistikkfaget lærer ein å jobbe effektivt, planmessig, nøyaktig og rasjonelt, samt jobbe sjølvstendig i tillegg til å samarbeide med kollega, kunde og leverandørar.

Logistikkfaget skal leggje grunnlag for logistikkoperatørens yrkesutøving innan lagring og interntransport, sikring av last og klargjering av forsendingar. Logistikkfaget fokusera blant anna på effektiv informasjonsflyt, miljøvenleg og sikker transport, varegjennomstrømming og lønnsomheit ved transport og lagring av varer og gods.

Fullført og bestått opplæring fører fram til fagbrev med yrkestittel logistikkoperatør.

Kjemiprosessfaget

Ali var lærling i kjemiprosessfaget på Hydro Aluminium Årdal.

Ali var lærling i kjemiprosessfaget på Hydro Aluminium Årdal. Er du interessert i styring og overvaking av produksjon i prosessindustrien, prosessar og produksjonsmetodar? Ein fagoperatør i kjemisk prosessindustri skal kunne arbeide planmessig, nøyaktig og grundig, sjølvstendig og i samarbeid med andre. Ali har ein spennande og variert arbeidskvardag.

Fullført og bestått opplæring fører fram til fagbrev. Yrkestittel er fagoperatør i kjemisk prosessindustri.

Salsfaget

Marte Elise var lærling i salsfaget på Quality Hotel Sogndal.

Marte Elise var lærling i salsfaget på Quality Hotel Sogndal. Læreløpet er normalt to år på skule og to år i bedrift. I salsfaget får du lære om kundebehandling, sal og marknadsføring av produkt, og bli i stand til å handtere endringar og sikra lønsam drift av verksemda. Salsfaget passar godt for deg som er serviceinnstilt, likar å arbeide i eit miljø med høgt tempo, er blid og utadvendt.

Fullført og bestått opplæring fører fram til fagbrev. Yrkestittel er salgsmedarbeidar.

Produksjonsteknikkfaget

Preben var lærling i produksjonsteknikkfaget på Lerum.

Preben var lærling i produksjonsteknikkfaget på Lerum. I produksjonsteknikkfaget lærer ein seg styring og drift av produksjonsmaskiner, utstyr og samanstilling av produkt.

Faget skal legge grunnlag for yrkesutøving innan framstilling av produkt i prosess-, metallurgi- og vareproduksjonsbedrifter. Ein produksjonsteknikar drifrat, utviklar og forbetra produksjonsprosesser i industrien. Her får du lære bruk av automatiserte produksjonsmetoder, stabil produktkvalitet og høg effektivitet.

Fullført og bestått opplæring fører fram til fagbrev. Yrkestittel er fagoperatør i produksjonsteknikk.